Plantun de Prouvènço

Pèr coumpara dos planto d'encò nostre

Minuartia verna & Artemisia alba

Minuartia verna

Caryophyllaceae

Nom en français : Minuartie de printemps.

Descripcioun :
La lineto-dóu-printèms es uno pichoto planto renadivo que trachis en mato dins li tepiero roucaiouso de mountagno. Li cambo porton de pichòti fueio óupousado di tres costo. Pèr pas s'engana emé de planto proche, alucas li sepalo que dèvon èstre emé de bord membranous pas trop espès, di tres costo e bèn dubert à la flourido. Peréu li petalo an un ounglet courtet au contro de Minuartia villarii. Pensa d'utilisa la coumparesoun se sias pas segur qu'es eisa de s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 15 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 10 mm
Flourido : Printèms - Estiéu

Sòu : Ca
Autour basso e auto : 400 à 3000 m
Aparado : Vo
Jun à setèmbre

Liò : Tepiero roucaiouso - Esboudèu
Estànci : Mountagnard à Aupen
Couroulougi : Ouroufito-Éurasiatico
Ref. sc. : Minuartia verna (L.) Hiern, 1899

Aussent(-blanc)

Artemisia alba

Asteraceae Compositae

Noms en français : Armoise blanche, Armoise camphrée.

Descripcioun :
L'aussent-blanc se rescontro sus li cresten venta e li roucaio e tepiero subretout dis Aup marino. Fai un pichot bouissoun d'ounte parton de ramon que flourisson l'estiéu. Li fueio, di proun descoupado, sènton lou canfre un cop fretado.

Usanço :
Sa forto óudour de canfre pòu servi dins la cousino coume sabourun. La planto èi vertuouso majamen pèr tua li verme. Èi peréu antispamoudico, tounico e enmenagogo adounc descounseiado i femo empregnado.

Port : Erbo
Taio : 5 à 15 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Artemisia
Famiho : Asteraceae
Famiho classico : Compositae

Ordre : Asterales

Coulour de la flour : Jauno
Petalo : >6
Ø (o loungour) enflourejado : 3 à 4 mm
Flourido : Estiéu - Autouno

Sòu : Ca (Si)
Autour basso e auto : 100 à 1800 m
Aparado : Vo
Avoust à óutobre

Liò : Tepiero seco - Cresten venta - Roucaio
Estànci : Subremediterran à Mountagnard
Couroulougi : Éuroupenco-Sud
Ref. sc. : Artemisia alba L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Minuartia verna & Artemisia alba

ges

Coumpara Lineto(-dóu-printèms) emé uno autro planto

Coumpara Aussent(-blanc) emé uno autro planto